Belçikada universitetlərin dövlət maliyyələşdirilməsində islahat planlaşdırılır
Brüssel, 23 dekabr, AZƏRTAC
Belçika hökuməti ali təhsil sisteminin maliyyələşdirilməsində genişmiqyaslı islahat həyata keçirməyi planlaşdırır.
AZƏRTAC xəbər verir ki, yeni təşəbbüsün əsas məqsədi universitetlər arasında maliyyə bölgüsünü daha ədalətli və şəffaf etmək, eyni zamanda təhsilin keyfiyyətini və rəqabət qabiliyyətini artırmaqdır. Planlaşdırılan dəyişikliklər çərçivəsində maliyyə vəsaitlərinin ayrılması təkcə tələbə sayına deyil, həm də tədrisin nəticələrinə, elmi araşdırmalara və məzunların əmək bazarına inteqrasiyasına bağlana bilər.
Rəsmilərin bildirdiyinə görə, islahat ali məktəbləri innovasiyalara daha açıq olmağa və əmək bazarının tələblərinə uyğun proqramlar hazırlamağa təşviq edəcək. Universitet rəhbərləri isə dəyişikliklərin uzunmüddətli sabitlik üçün əlavə təminatlar tələb etdiyini vurğulayırlar. Hökumət islahatla bağlı müzakirələri yaxın aylarda davam etdirməyi planlaşdırır.
Vüqar Seyidov
AZƏRTAC-ın xüsusi müxbiri
Brüssel
Bölmənin digər xəbərləri
