BƏLƏDİYYƏ SEÇKİLƏRİNDƏ 4607 NAMİZƏD MÜBARİZƏ APARACAQDIR
Mərkəzi Seçki Komissiyasının mətbuat xidmətindən AZƏRTAC-a bildirmişlər ki, oktyabrın 6-da keçiriləcək seçkilərdə 82 dairə üzrə 603 bələdiyyəyə təkrar, əlavə, yeni və ilk dəfə keçiriləcək seçkilərdə 4607 namizəd 1931 yer uğrunda mübarizə aparacaqdır. İmza vərəqi almış 4686 namizəddən 4641 nəfəri bu vərəqələri və tələb olunan digər sənədləri dairə seçki komissiyalarına təqdim etmişdir. Dairə seçki komissiyaları onlardan 4638 nəfərin namizədliyini qeydə almışdır. Onlardan 3 nəfəri namizədlikdən imtina etmiş, 20 nəfər namizədliyini geri götürmüşdür. Namizədlərdən 11 nəfərinin aid olduğu bələdiyyədə seçkilər təxirə salınmışdır.
Beləliklə, seçkilərdə iştirak edəcək 4607 namizədin (250 nəfər qadın) 2126-sı bitərəf, qalanları isə müxtəlif siyasi partiyaların üzvləridir.
Seçkiləri 1692 nəfər (734 nəfər müstəqil, 958 nəfər siyasi partiyaların təmsilçiləri) müşahidə edəcəkdir.
Bölmənin digər xəbərləri
