BƏMDƏ UÇUQLARIN ALTINDAN SAĞ ADAM ÇIXARILMIŞDIR
AZƏRTAC-ın Tehrandan aldığı xəbərdə deyilir ki, İranın Bəm şəhərində dağıdıcı zəlzələdən 13 gün sonra xilasedicilər binalardan birinin uçuqları altından hələ sağ qalmış insan çıxarmışlar.
57 yaşında olan həmin adam çox ağır vəziyyətdədir. O, dərhal hospitala çatdırılmışdır. Həkimlər onu ölümün pəncəsindən qurtarmaq üçün mümkün olan bütün tədbirləri görürlər.
Xatırladaq ki, dekabrın 26-da səhər tezdən Bəmdə baş verən 6,9 bal gücündə zəlzələ 30 mindən çox insanın həyatına son qoymuşdur.
Bölmənin digər xəbərləri
