“Benfika” klubu “Barselona”nın futbolçusunu icarəyə götürüb
Bakı, 5 sentyabr, AZƏRTAC
Portuqaliyanın “Benfika” futbol klubu İspaniyanın “Barselona” komandasının oyunçusu Duqlas Pereyra Dos Santosu birillik icarəyə götürüb.
AZƏRTAC Kataloniya təmsilçisinin rəsmi saytına istinada xəbər verir ki, 27 yaşlı müdafiəçi 2017-2018-ci il mövsümündə “Benfika”nın formasını geyinəcək.
Üç il əvvəl Braziliyanın “San Paulu” komandasından transfer olunan Duqlas katalonların heyətində sadəcə 8 matçda meydana çıxıb. Müdafiəçi ötən mövsümü icarə əsasında İspaniyanın digər klubu “Sportinq Xixon”un heyətində keçirib.
Bölmənin digər xəbərləri
