BƏRDƏ RAYONUNUN FERMERLƏRİ BOL MƏHSUL GÖTÜRÜRLƏR
AZƏRTAC Azərbaycanda Regional İnkişaf Mərkəzinə istinadla xəbər verir ki, indiyədək Bərdə rayonunun fermerləri 13200 ton bostan məhsulu, 1920 ton meyvə, 3381 ton tərəvəz yığmışlar. Taxılçılar da yaxşı işləmişlər. Bu il 16167 hektar sahədən 48996 ton taxıl yığılmışdır. Hər hektarın orta məhsuldarlığı 30,5 sentner olmuşdur.
İlin əvvəlindən bəri 534 ton ət, 23450 ton süd, 258 ton yun, 10 milyon ədəd yumurta istehsal olunmuşdur ki, bu da ötən ilin müvafiq dövründəkindən xeyli çoxdur.
Bölmənin digər xəbərləri
