BESLAN UŞAQLARI PAYIZ TƏTİLİNİ İORDANİYADA KEÇİRƏCƏKLƏR
AZƏRTAC Rusiya KİV-lərinə istinadla xəbər verir ki, Beslandan 90 şagird oktyabrın 30-da Əmmana (İordaniya) yola düşəcəkdir. Onlar orada bir həftə qalacaqlar. Beslanlı uşaqlar üçün dəvəti İordaniya kralı II Abdulla göndərmişdir. Uşaqlar kral ailəsi ilə, ölkənin adət və ənənləri ilə tanış olacaqlar. Bundan əlavə, səhraya səyahət, bədəvilərlə görüş və krallığın ənənəvi sənətlərindən birini - mozaikalar hazırlanmasını öyrənmək nəzərdə tutulur.
Beslandakı faciədən sonra İordaniya kralı II Abdulla İslamla pərdələnən terrorçuları birinci olaraq kəskin surətdə pisləyənlərdən olmuşdur. Dinlə terrorizmin bir araya sığmadığını bildirən kralın təşşəbbüsü ilə “Əmman müraciəti” hazırlanmış və onu bütün dünyada bir çox müsəlmanlar imzalamışlar.
Bölmənin digər xəbərləri
