BƏŞŞAR ƏL-ƏSƏD BMT QOŞUNLARININ LİVAN-SURİYA SƏRHƏDİNDƏ YERLƏŞDİRİLMƏSİNİN ƏLEYHİNƏDİR
Prezidentin bəyanatında vurğulanır ki, bu, Livanın suverenliyini sarsıdan bədxahlıq aktı olardı.
Əl-Əsəd Livan hökumətini vəziyyətin inkişafına görə məsuliyyəti öz üzərindən götürməməyə və iki ölkə arasında münasibətləri mürəkkəbləşdirə biləcək addımlar atmamağa çağırmışdır.
Suriya rəhbəri İsrail qoşunları Livandan tamamilə çıxarılmayınca, Şəbəə fermaları rayonunda Livan sərhədinin demarkasiyası üzrə tədbirlər keçirilməsinin mümkünlüyünü də rədd etmişdir. (Həmin ərazilər əvvəllər Suriyaya məxsus olmuş və 1967-ci ildə ərəb-İsrail müharibəsi zamanı İsrail tərəfindən işğal edilmişdir).
Bəşşar əl-Əsədin bəyanatı “Hizbullah”a silah göndərilməsinin qarşısını almaq üçün BMT qoşunlarının Suriya ilə sərhəddə yerləşdirilməsi barədə İsrailin Baş naziri Ehud Olmertin avqustun 22-də irəli sürdüyü tələbə cavab olmuşdur. Olmert bildirmişdir ki, bu tələbin yerinə yetirilməsi İsrail tərəfindən atəşin dayandırılmasının, Livanın dənizdən və havadan blokadasının götürülməsinin zəruri şərtidir.
Bundan əvvəl ABŞ Suriyanı onda təqsirləndirmişdir ki, hərbi əməliyyatların davam etdirilməsi üçün “Hizbullah”ı bütün lazımi vasitələrlə Dəməşqin özü təchiz edir və Suriya İrandan gələn yardımın çatdırılması yolunda aralıq məntəqədir. Lakin Suriya və İran bu ittihamları rədd edərək bildirmişlər ki, onlar İsraillə vuruşan livanlılara ancaq mənəvi dəstək verirlər.
Bölmənin digər xəbərləri
