BEYNƏLXALQ AİKİDO FEDERASİYASININ EKSPERTLƏRİ AZƏRBAYCAN İDMANÇILARI ÜÇÜN SEMİNAR KEÇİRİRLƏR
Azərbaycanda aikidonun inkişafı, beynəlxalq təcrübənin idmançılarımıza öyrədilməsi və müasir metodların tətbiqi məqsədilə keçirilən seminarı ölkəmizdə səfərdə olan Beynəlxalq Aikido Federasiyasının ekspertləri VII dan qara kəmər sahibləri, yaponiyalı Kenci Kumaqai və Hironori Kavasagi, eləcə də “Zirvə” Peşəkar İdman Klubunun icraçı direktoru Yusuf Akyurt aparır.
Üç gün davam edəcək məşğələlərdə 150-yə yaxın aikidoçu iştirak edir. Seminarla yanaşı, aikidoçuların döyüş bacarığının yoxlanılması məqsədilə imtahan da keçirilmişdir. Nəticədə, Arzu Mikayılov II, İlham Quliyev və Qabil Allahverdiyev III dan qara kəmərə sahib olmuşlar.
Xatırladaq ki, Azərbaycanda keçirilən belə seminarlarda aikidonun vətəni olan Yaponiyadan mütəxəssislər ilk dəfədir iştirak edirlər.
Bölmənin digər xəbərləri
