BEYNƏLXALQ ƏMƏK KONFRANSININ 92-Cİ SESSİYASI KEÇİRİLMİŞDİR

19.06.2004 [11:39]
Çap et
A⁺ A^-

Beynəlxalq Əmək Konfransının Cenevrədə keçirilən 92-ci sessiyasında Azərbaycan Sahibkarlar (İşəgötürənlər) Təşkilatları Milli Konfederasiyasının (ASK) nümayəndə heyəti iştirak etmişdir.

Konfederasiyadan AZƏRTAC-a bildirmişlər ki, ASK-nın prezidenti Ələkbər Məmmədov Beynəlxalq Əmək Konfransının sessiyasında “Assosiasiya azadlığı və kollektiv müqavilələr hüququnun effektiv tanınması” mövzusunda məruzə ilə çıxış etmişdir. Məruzədə Azərbaycanda assosiasiya azadlığı və kollektiv müqavilələrin bağlanması sahəsində qanunvericilik bazası və mövcud vəziyyət haqqında məlumat verilmiş, bu sahədəki problemlər açıqlanmış və onların aradan qaldırılması üzrə ASK-nın təklifləri təqdim edilmişdir.

Səfər zamanı ASK-nın nümayəndələri Beynəlxalq Əmək Təşkilatının bir neçə departamentində görüşlər keçirmişlər.