Beynəlxalq ictimaiyyət Azərbaycan həqiqətlərinə maraq göstərir
London, 24 fevral (AZƏRTAC). Beynəlxalq ictimaiyyət Azərbaycan həqiqətlərinə maraq göstərir.
Bu sözləri Xocalı soyqırımının 21-ci ildönümü ilə əlaqədar Londonda yürüş-mitinqdə iştirak edən “University College London”un tələbəsi Aynur Alışanova jurnalistlərə müsahibəsində demişdir.
Azərbaycanlı tələbə qeyd etmişdir ki, onların məqsədi həmvətənlərinin tapdalanan haqlarını tələb etmək, xalqımıza qarşı edilən ədalətsizliyi dünya ictimaiyyətinə çatdırmaqdır. Beynəlxalq ictimaiyyət bu cür məsələlərə həmişə maraq göstərir. Aksiya çərçivəsində müxtəlif mənsəb, təriqət, peşəyə mənsub insanlar Xocalı faciəsi və ölkəmizin həqiqətləri barədə maraqlanır, məsələ ilə bağlı araşdırma aparacaqlarını vəd edirlər. Bu isə bizim üçün böyük uğurdur.
Orxan İsmayılov
AZƏRTAC-ın xüsusi müxbiri
London
Bölmənin digər xəbərləri
