Beynəlxalq Muzeylər Gününə həsr olunmuş tədbir keçirilmişdir
Bakı, 18 may (AZƏRTAC). Mayın 18-də Cəfər Cabbarlı adına Azərbaycan Dövlət Teatr Muzeyində Beynəlxalq Muzeylər Gününə həsr olunmuş tədbir keçirilmişdir.
AZƏRTAC xəbər verir ki, “Molla Nəsrəddin” jurnalının nəşrə başlamasının 105-ci ildönümünə töhfə olaraq “Molla Nəsrəddin güldürür, düşündürür” devizi altında keçirilmiş tədbirdə Nizami Rayon Uşaq-Gənclər Yaradıcılıq Mərkəzi dram dərnəyinin ifasında görkəmli dramaturq Cəlil Məmmədquluzadənin felyetonları və Mirzə Ələkbər Sabirin şeirləri əsasında hazırlanmış ədəbi-bədii kompozisiya təqdim olunmuşdur.
Tədbirdə, həmçinin 5 nömrəli incəsənət məktəbi şagirdlərinin “Molla Nəsrəddinin gözü ilə” mövzusunda çəkdikləri rəsmlər nümayiş etdirilmişdir.
Bölmənin digər xəbərləri
