BEYNƏLXALQ “QARA DƏNİZ” OYUNLARININ İŞTİRAKÇISI GƏNCƏDƏ MÜƏYYƏNLƏŞƏCƏK
Bakı, 16 aprel (AZƏRTAC). Aprelin 16-19-da və 20-23-də Gəncədə voleybol üzrə 17 yaşa qədər oğlanlar və qızlar arasında respublika seçmə yarışları keçiriləcək.
Yarışın keçirilməsində məqsəd 2010-cu ildə Rumıniyada 2-ci Qara dəniz ölkələrinin idman oyunlarında iştirak edəcək heyəti müəyyən etməkdir.
Oğlanların yarışında Cəlilabad, Masallı, Kürdəmir, Saatlı, Gəncə, Yevlax, Şəki, Qax, Sabunçu, Sumqayıt, Suraxanı şəhər və rayonları, eləcə də Respublika İxtisaslaşdırılmış Olimpiya Ehtiyatları Uşaq-Gənclər və İdman Məktəbinin (RİOEUGİM) komandaları öz qüvvələrini sınayacaqlar.
Qızlar arasında yarışda Gəncə, Mingəçevir, Qax, Qusar, Sumqayıt, Xətai, Şəki şəhər və rayonları və “Nəqliyyat”, “Azəri” və RİOEUGİM komandaları mübarizə aparacaqlar.
Bölmənin digər xəbərləri
