BEYNƏLXALQ SƏHİYYƏ SƏRGİSİNDƏ GÖZƏLLİK BÖLMƏSİ DƏ OLACAQDIR
Sərgidə dünyanın 23 ölkəsindən 150 şirkət iştirak edəcəkdir. Burada tibbi xidmətlərin bütün sahələrini əhatə edən ənənəvi bölmələrlə yanaşı, gözəllik bölməsi də təqdim olunacaqdır. Yeni bölmənin ekspozisiyasını gözəllik xidmətləri, həmçinin kosmetologiya klinikaları üçün avadanlıq təklif edən şirkətlərin məhsulları təşkil edəcəkdir.
Sərgiyə dünyanın aparıcı dərman istehsalçıları və distribüterləri toplaşacaqlar. İlk dəfə tədbirə Koreya, Bolqarıstan və Yaponiya şirkətləri də qoşulacaqdır. Ekspozisiyanın 30 faizi Azərbaycan bazarına ilk dəfə çıxan şirkətlərin payına düşəcəkdir.
BİHF-da stomatologiya bölməsi ayrıca təqdim olunacaqdır. Burada dünyanın 12 ölkəsindən təxminən 40 şirkət iştirak edəcəkdir.
BİHF sərgisi çərçivəsində sentyabrın 29-da “Avropa” mehmanxanasında “Stomatologiyanın aktual problemləri” mövzusunda konfrans da keçiriləcəkdir.
