Binəqədi rayonunda kənd təsərrüfatı məhsullarının satış yarmarkası keçirilir
Bakı, 27 dekabr, AZƏRTAC
Mikro, kiçik və orta sahibkarların ticarət şəbəkələrinə çıxışına dəstək mexanizmi çərçivəsində kənd təsərrüfatı məhsullarının satışının həyata keçirilməsi üçün yarmarka fəaliyyətə başlayıb.
Kiçik və Orta Biznesin İnkişafı Agentliyindən (KOBİA) AZƏRTAC-a bildirilib ki, agentliyin dəstəyi ilə yaradılmış yarmarka Binəqədi rayonu ərazisində (Əcəmi Naxçıvani küçəsi ilə Koroğlu Rəhimov küçəsinin kəsişməsində) yerləşir. Yarmarkada 60-a yaxın sahibkarlıq subyektinə kənd təsərrüfatı məhsullarının satışının həyata keçirilməsi üçün müvafiq şərait yaradılıb. Yarmarka hər gün fəaliyyət göstərəcək. Kənd təsərrüfatı məhsullarının satışını həyata keçirmək istəyən sahibkarlar yarmarkada iştirak edə bilərlər.
Bölmənin digər xəbərləri
