BİRJALARIN FƏALİYYƏTİ GENİŞLƏNİR
Azərbaycanda fəaliyyət göstərən birjaların bu ilin birinci yarısında keçirdikləri 455 hərracda 748,1 milyard manatlıq istehlak malları və istehsal-texniki məhsullar, daşınmaz əmlak, qiymətli kağızlar, valyuta ehtiyatları və digər məhsullar satılmışdır. Dövriyyənin həcmi keçən ilin müvafiq dövrü ilə müqayisədə 15 faiz, sövdələrin sayı 34 faiz artmışdır.
Azərbaycan Dövlət Statistika Komitəsindən AZƏRTAC-a bildirmişlər ki, kredit, valyuta ehtiyatlarına, səhm və istiqrazlara tələbat artdığından hərracların sayı və dövriyyənin həcminə görə Bakı banklararası valyuta və Bakı fond birjaları xüsusi yer tutur.
Bakı Banklararası Valyuta Birjası keçən ilin birinci yarısındakından1,9 dəfə çox hərrac keçirmiş, valyuta ehtiyatlarının satışı 44,6 faiz artıq olmuşdur.
Bölmənin digər xəbərləri
