Bloomberg: Aİ ölkələri yaxın 10 ildə ABŞ olmadan müdafiə qabiliyyətini təmin edə bilməyəcək
Bakı, 14 fevral, AZƏRTAC
Avropa İttifaqı (Aİ) ölkələri ən azı 10 il ABŞ-ın köməyi olmadan öz müdafiə imkanlarını təmin edə bilməyəcək.
AZƏRTAC xəbər verir ki, bu barədə “Bloomberg” agentliyi adı açıqlanmayan avropalı diplomata istinadla məlumat yayıb.
Nəşr yazıb ki, Avropa ölkələri indi hücuma məruz qalsalar, onlar bir neçə cəbhədə ABŞ-dan asılı olacaqlar. Bunlara hava və raket hücumundan müdafiə, uzaqmənzilli raketlər və müharibə ilə mübarizə üçün lazım olan qabaqcıl kompüter sistemləri daxildir.
Adının çəkilməsini istəməyən avropalı diplomatın fikrincə, ən pis ssenari bir sıra hadisələr - Aİ ölkələrinin müdafiəyə investisiyaları artırmaması, Vaşinqtonun Ukraynaya yardımını dayandırması, Donald Trampın prezident seçkilərində qələbəsi və ABŞ-ın NATO-dan çıxması nəticəsində yarana bilər.
Bölmənin digər xəbərləri
