BMF Gürcüstana 111 milyon ABŞ dolları ayırıb
Tbilisi, 13 aprel, AZƏRTAC
Beynəlxalq Valyuta Fondu (IMF) Gürcüstana yenidən maliyyə yardımı edəcək. Fond əlavə olaraq Gürcüstana təxminən 111 milyon ABŞ dolları ayırıb.
AZƏRTAC xəbər verir ki, bu barədə ölkənin Milli Bankı məlumat verib.
Bildirilib ki, həmin vəsait Gürcüstanda iqtisadiyyatın bərpasına yönəldiləcək.
Bankın məlumatına əsasən, koronavirus pandemiyası səbəbindən Gürcüstan iqtisadiyyatı ötən il 6,2 faiz azalıb.
Proqnoza əsasən, iqtisadiyyatın bərpası bu ilin II rübündən etibarən başlayacaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
