BMT EKSPERTLƏRİ AZƏRBAYCANDA İQTİSADİ ARTIMIN BU İL DƏ YÜKSƏK OLACAĞINI PROQNOZLAŞDIRIR

03.07.2006 [13:18]
Çap et
A⁺ A^-

MDB ölkələrinin iqtisadiyyatında 2006-cı ildə də yüksək artım sürəti davam edəcəkdir. Buna xammalın qiymətlərinin və əmək haqqının, dövlət xərclərinin artması təkan verəcəkdir. AZƏRTAC-ın İTAR-TASS-dan aldığı xəbərə görə, bu, BMT baş katibinin məruzəsində proqnozlaşdırılır. Məruzə BMT İqtisadi və Sosial Şurasının iyulun 3-də Cenevrədə açılan illik sessiyasının müzakirəsinə verilmişdir.

MDB ölkələrində cari ilə proqnozlaşdırılan artım sürəti (6,3 faiz Qərbi Avropa (1,9 faiz), habelə Avropa İttifaqının yeni üzvləri (4,5 faiz) və Cənub-Şərqi Avropa (5,2 faiz) üçün nəzərdə tutulduğundan yüksəkdir. BMT ekspertləri Azərbaycan və Qazaxıstanda neft-qaz sektorunun inkişafı sayəsində yüksək iqtisadi artımla yanaşı, sərmayələrin də sabit şəkildə artacağını proqnozlaşdırırlar.

Şuranın iyulun 28-dək davam edəcək sessiyasında, BMT baş katibinin məruzəsi ilə yanaşı, işsizliklə və yoxsulluqla mübarizə, humanitar yardım göstərilməsi, BMT-nin müxtəlif qurumlarının işinin əlaqələndirilməsi məsələləri də müzakirə olunacaqdır.

BMT EKSPERTLƏRİ AZƏRBAYCANDA İQTİSADİ ARTIMIN BU İL DƏ YÜKSƏK OLACAĞINI PROQNOZLAŞDIRIR

MÜƏLLİFLƏ ƏLAQƏ

Bölmənin digər xəbərləri