BOLQARISTANIN VARNA ŞƏHƏRİNİN İDMAN DEPARTAMENTİ İLƏ ƏMƏKDAŞLIĞA DAİR SAZİŞ İMZALANACAQ
Bakı, 15 aprel (AZƏRTAC). Bakı Şəhər Gənclər və İdman Baş İdarəsi (BŞGİBİ) dəvəti ilə aprelin 27-dən 30-dək Bolqarıstanın Varna şəhərinin İcra Hakimiyyəti katibliyinin rəhbəri Mixail Kulikov və Varna şəhər İdman Departamentinin sədri Boyan Atanasov paytaxtımızda olacaqlar.
Səfər çərçivəsində BŞGİBİ ilə Varna şəhər İdman Departamenti arasında əməkdaşlıq protokolu imzalanacaqdır.
Qonaqlar Bakıda olacağı müddətdə ümummilli lider Heydər Əliyevin məzarını və Şəhidlər Xiyabanını ziyarət edəcək, Bolqarıstanın ölkəmizdəki səfirliyində və Bakı Slavyan Universitetində görüşlər keçirəcək, idman qurğuları ilə tanış olacaqlar.
Bölmənin digər xəbərləri
