BÖYÜK BRİTANİYADA DÜNYADA ƏN BÖYÜK KÜLƏK PARKI İŞƏ DÜŞMÜŞDÜR
Bakı, 24 sentyabr (AZƏRTAC). Böyük Britaniya 100 turbindən ibarət dünyada ən böyük külək parkını işə salmışdır. Xarici KİV-lərin yaydığı məlumata görə, İngiltərənin Kent qraflığı sahillərində 35 kvadratkilometr ərazidə yerləşdirilən külək turbinləri 240 min evi elektrik enerjisi ilə təmin edəcəkdir.
İngiltərənin cənub-şərq sahillərində külək parkının inşası iki il əvvəl başlanmış və 780 milyon funtsterlinqə başa gəlmişdir. Yaxın dörd ildə bu rayonda 115 metrlik daha 200 külək turbininin qurulması nəzərdə tutulmuşdur.
Hesablamalara görə, Böyük Britaniyada ümumən 2909 turbindən ibarət 250-dək külək parkı işləyir.
Bölmənin digər xəbərləri
