BÖYÜK BRİTANİYADA METEORİT QIRINTISI ADAMI VURMUŞDUR

18.08.2004 [14:17]
Çap et
A⁺ A^-

AZƏRTAC xəbər verir ki, Londonun “Dayli teleqraf” qəzetinin yazdığına görə, Britaniyada 76 yaşlı Paulina Aqussi meteorit qırıntısı vurması nəticəsində xəsarət almışdır. Qarı bağda paltar sərərkən göy cisminin qoz boyda parçası onun qoluna dəyərək, dərin yara açmışdır. Metal kimi parıldayan bu daş araşdırılmaq üçün alimlərə göndərilmişdir.

Bu hadisə ötən həftə, Yer kürəsi meteorit axını arasından keçərkən baş vermişdir. Alimlərin fikrincə, çox güman ki, qarını vuran Yer kürəsinə hər il düşən persey meteoritlərindən birinin parçasıdır. Perseylər Yupiterlə Mars arasında yerləşən göy cismlərinin qırıntılarıdır.

Axırıncı dəfə meteoritin qurbanı Misirdə bir it olmuşdur. Göy cismi itin başına düşmüş və o, yerindəcə ölmüşdür.