BP: Energetika Nazirliyi ilə Qarşılıqlı Anlaşma Memorandumu ilin sonunadək imzalanacaq
Bakı, 1 dekabr, AZƏRTAC
BP ilə Energetika Nazirliyi arasında Qarşılıqlı Anlaşma Memorandumu ilin sonuna qədər imzalanacaq.
AZƏRTAC xəbər verir ki, bu barədə “BP Azerbaijan” şirkətinin əlaqələr, xarici işlər və strategiya üzrə vitse-prezidenti Bəxtiyar Aslanbəyli deyib.
O bildirib ki, həmçinin bərpaolunan enerji mənbələri sektorunun inkişafında əməkdaşlıq üçün birgə işçi qrupu yaradılacaq.
Xatırladaq ki, ötən günlərdə energetika naziri Pərviz Şahbazov ilə BP-nin Azərbaycan, Gürcüstan və Türkiyə üzrə regional prezidenti Qəri Counzun görüşündə bərpaolunan enerji mənbələri sahəsində əməkdaşlıq imkanları müzakirə edilib və Qarşılıqlı Anlaşma Memorandumunun imzalanması təklif olunub.
Bölmənin digər xəbərləri
