BP ölkənin 6 rayonunda 530 ailənin arıçılıq biznesinə dəstək olub
Samux, 10 oktyabr, AZƏRTAC
BP və tərəfdaşlarının dəstəyi arıçılıq təsərrüfatı sahəsində ailə biznesləri yaratmaqla və ölkədə ilk dəfə olaraq bal meşəsi yaradılıb.
AZƏRTAC xəbər verir ki, layihə iki mərhələdən ibarətdir. Layihənin 1-ci mərhələsi 2017-2018-ci ilin martını, 2-ci mərhələ isə 2017-2021-ci ili əhatə edib. Birinci mərhələnin büdcəsi 397 min 900 AZN, ikinci mərhələnin büdcəsi isə 2 milyon 400 min AZN təşkil edib.
Layihə Yevlax, Goranboy, Samux, Şəmkir, Ağstafa və Tovuz rayonlarında ümumilikdə 500 icma üzvünü əhatə edib. Adıçəkilən rayonlardan seçilmiş 530 ailənin (2017-2020) öz şəxsi arıçılıq biznesinə başlaması və onu idarə etməsi üçün lazımi resurslarla o cümlədən avadanlıqlar, təlim və bacarıqlar, davamlı konsultasiya xidməti və monitorinq dəstəyi ilə təmin edilib. Həmin ailələrə 6 mindən çox arı qutusu verilib və nəticədə onlar 2018-2020-ci illərdə öz arılarından təxminən 73 ton bal əldə ediblər.
Bundan başqa, Samuxda arıçılıq üçün 110 min nektar ağacı əkilib və beləliklə də ölkədə ilk bal meşəsi salınıb.
Bölmənin digər xəbərləri
