BP Omandakı təbii qaz yatağındakı payını satır
Bakı, 1 fevral, AZƏRTAC
BP Omandakı təbii qaz yatağının 61-ci blokundakı payını Taylandın milli enerji şirkətinə 2,6 milyard dollara satacağını açıqlayıb.
AZƏRTAC şirkətə istinadla xəbər verir ki, BP milyardlarla dollarlıq payını satmaqla bərpaolunan enerjiyə daha çox diqqət ayıracaq. Taylandın milli enerji şirkəti “PTTEP” 61-ci blokdakı payın 20 faizini alır. “JPMorgan Chase & Co.” isə satınalma ilə əlaqədar “PTTEP”yə məsləhət verir.
BP bu satışla koronavirus epidemiyasından təsirlənən borc yükünü azaltmaq və şirkətin 2025-ci ilədək 25 milyard dollarlıq aktiv satma hədəfinə çatmaq niyyətindədir.
Bölmənin digər xəbərləri
