Braziliyalı alim ADNSU-da “Elmi məqalələrin yazılma qaydaları” haqqında təqdimatla çıxış edib
Bakı, 8 iyun, AZƏRTAC
Braziliyanın Campinas Dövlət Universitetinin qida elmləri üzrə doktoru Amin Mousavi Khaneghah Azərbaycan Dövlət Neft və Sənaye Universitetinin (ADNSU) kimya-texnologiya fakültəsinin üzvi maddələr və yüksək molekullu birləşmələrin texnologiyası kafedrasında “Elmi məqalələrin yazılma qaydaları” ilə bağlı seminar keçib.
ADNSU-dan AZƏRTAC-a bildiriblər ki, kafedra əməkdaşlarının və magistrantların iştirak etdikləri seminarda təqdimatla çıxış edən alim elmi-tədqiqat işlərinin, eləcə də elmi məqalələrin yazılma qaydaları, əsas müddəalar və mövzuların işlənmə prinsipi haqqında, həmçinin qida təhlükəsizliyi və qablaşdırılması, qida qanunvericiliyi barədə ətraflı məlumat verib.
Sonra suallar cavablandırılıb.
Bölmənin digər xəbərləri
