Britaniyada beynəlxalq investisiya sammiti keçiriləcək
London, 6 avqust, AZƏRTAC
Britaniyada oktyabrın 14-də beynəlxalq investisiya sammiti keçiriləcək.
AZƏRTAC xəbər verir ki, bu barədə Britaniya hökumətinin bəyanatında bildirilib. Qeyd olunub ki, Baş nazir Kir Starmer Britaniyaya sərmayə qoyuluşunu sürətləndirmək üçün 300-ə qədər sənaye liderini bir araya gətirəcək.
Bəyanatda bildirilib ki, biznes və ticarət üzrə dövlət naziri Conatan Reynolds investorlara Böyük Britaniyanın yetkin ticarət tərəfdaşı olduğunu deyəcək. Bunun da Böyük Britaniya biznesinə gələcək on il ərzində davamlı investisiya və iqtisadi artımı planlaşdırmağa imkan verəcək.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
