BRİTANİYANIN SƏRNİŞİN TƏYYARƏLƏRİNƏ SƏUDİYYƏ ƏRƏBİSTANINDA HEÇ BİR TƏHLÜKƏ YOXDUR

05.01.2004 [11:50]
Çap et
A⁺ A^-

AZƏRTAC-ın Ər-Riyaddan aldığı xəbərdə deyilir ki, yanvarın 4-də Səudiyyə Ərəbistanı Britaniya aviaşirkətlərinin təyyarələrinə qarşı guya məlikliyin ərazisində təhlükə olduğu barədə xəbərləri qəti şəkildə təkzib etmişdir.

Məlikliyin daxili işlər naziri şahzadə Naif ibn Əziz Ər-Riyadda demişdir ki, “iki ölkə arasında rabitə kanallarının olmasına baxmayaraq, Böyük Britaniya bu barədə Səudiyyə Ərəbistanına heç nə bildirməmişdir”. O, “Britiş Eyrueyz” şirkəti təyyarələrinin Səudiyyə Ərəbistanına uçuşları üçün heç bir təhlükə olmadığını vurğulamışdır.

Xatırladaq ki, yeni il ərəfəsində Səudiyyə Ərəbistanı həmin şirkətin təyyarəsinə qarşı Ər-Riyadda guya terror aktı hazırlandığı və bunun qarşısının alındığı barədə Böyük Britaniya Mühafizəkarlar Partiyasının nümayəndəsi Patrik Merserin bəyanatını qəti şəkildə təkzib etmişdi.

BRİTANİYANIN SƏRNİŞİN TƏYYARƏLƏRİNƏ SƏUDİYYƏ ƏRƏBİSTANINDA HEÇ BİR TƏHLÜKƏ YOXDUR

MÜƏLLİFLƏ ƏLAQƏ

Bölmənin digər xəbərləri