Bu gün Azərbaycan gəncləri Vətənə məhəbbət və düşmənə nifrət ruhunda tərbiyə olunurlar
Qəbələ, 24 fevral (AZƏRTAC). Qəbələ Turizm və Otelçilik üzrə Peşə Tədrisi Mərkəzində “Xocalı soyqırımı XX əsrin ən böyük faciəsidir” mövzusunda tədbir keçirilmişdir.
AZƏRTAC xəbər verir ki, tədbir iştirakçıları əvvəlcə Xocalı faciəsi qurbanlarının xatirəsini bir dəqiqəlik sükutla yad etmişlər.
Tədbiri mərkəzin direktoru Eyvaz Kazımov açaraq ermənilərin işğalçılıq siyasəti, zaman-zaman azərbaycanlılara qarşı törətdikləri terror və soyqırımı aktları barədə ətraflı məlumat vermişdir.
Qeyd edilmişdir ki, yalnız ümummilli lider Heydər Əliyevin hakimiyyətə qayıdışından sonra Xocalı faciəsinə siyasi-hüquqi qiymət verilmiş, dinc əhalinin kütləvi və amansız qırğın aktı təkcə Azərbaycan xalqına deyil, bütün insanlığa qarşı ən ağır cinayət kimi qiymətləndirilmişdir.
Bildirilmişdir ki, bu gün Azərbaycan gəncləri Vətənə məhəbbət və düşmənə nifrət ruhunda tərbiyə olunurlar. Onlar işğal olunmuş torpaqlarımızın geri qaytarılması üçün qüvvə və bacarıqlarını əsirgəməyəcəklər.
Bölmənin digər xəbərləri
