Bu gün iki boksçumuz dünya çempionatında mübarizəyə qoşulacaq
Bakı, 27 oktyabr, AZƏRTAC
Serbiyanın paytaxtı Belqradda kişi boksçular arasında dünya çempionatı davam edir.
AZƏRTAC xəbər verir ki, mundialın üçüncü günündə Azərbaycan millisinin daha iki üzvü mübarizəyə qoşulacaq. Belə ki, Tayfur Əliyev (60 kq) otuzikidəbir finalda Haiti təmsilçisi Çarlz Petit-Homm ilə qarşılaşacaq. Alfonso Dominges (86 kq) isə onaltıdabir finalda Beynəlxalq Boks Assosiasiyasının bayrağı altında çıxış edən Tavfiqulla Suleymani ilə üz-üzə gələcək.
Xatırladaq ki, ölkəmiz dünya çempionatında 9 boksçu ilə təmsil olunur. Boksçularımızdan Malik Həsənov (63,5 kq) və Məsud Yusifzadə (51 kq) rəqiblərinə qalib gələrək növbəti mərhələyə vəsiqə qazanıblar.
Bölmənin digər xəbərləri
