Bu il 19 nəfər sudaboğulma təhlükəsindən xilas edilib
Bakı, 7 iyul, AZƏRTAC
Cari il 13 nəfər çimərlik mövsümündə olmaqla, ümumilikdə 19 sudaboğulma təhlükəsi ilə üzləşən şəxs Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin əməkdaşları tərəfindən xilas edilib.
Bu barədə AZƏRTAC-ın sorğusuna cavab olaraq xidmətin İctimaiyyətlə əlaqələr və təbliğat şöbəsinin rəisi, daxili xidmət polkovnik-leytenantı Akşin Əlili bildirib.
O diqqətə çatdırıb ki, xidmətin nəzarət etdiyi çimərliklərdə ölümlə nəticələnən sudabatma hadisəsi qeydə alınmayıb.
“Sularda təhlükəsizliyin təmin edilməsi üçün yalnız xilasedicilərin olduqları çimərliklərdən istifadə edilməli, xilasedicilərin çağırışlarına və ərazidə quraşdırılan maarifləndirici lövhələrin tələblərinə sözsüz əməl olunmalıdır”, - deyə Dövlət Xidmətinin rəsmisi vurğulayıb.
Qeyd edək ki, Akşin Əlilinin AZƏRTAC-a müsahibəsi ilə daha ətraflı link vasitəsilə tanış ola bilərsiniz.
Bölmənin digər xəbərləri
