Bu il 57 min nəfərə yaxın şəxsə əlillik təyin olunub
Bakı, 27 dekabr, AZƏRTAC
Bu il 56 min 700 nəfərin əlilliyi təyin olunub. Onlardan 45,3 faizinin xəstəlikləri sağalmaz və reabilitasiya potensialı aşağı olduğuna görə müddətsiz əlillik təyin edilib. Həmin kateqoriyadan olanların 31 faizinə meyarlara uyğun olaraq 5 il, 9 faizinə 3 il, 8,7 faizinə 2 il, 2,8 faizinə 1 il əlillik təyin edilib.
AZƏRTAC xəbər verir ki, bunu Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Anar Bayramov 2022-ci ilin yekunlarına həsr olunan mətbuat konfransında deyib.
A.Bayramovun sözlərinə görə, onlardan 19 min 500-dən çoxu ilkin, 37 mindən çoxu isə təkrar əlillik təyinatıdır: "Təyin olunan əlilliyin 6,3 faizi birinci, 48 faizi ikinci, 30 faizi isə üçüncü qrupa aiddir. Əlillik təyin olunanların 15 faizi sağlamlıq imkanları məhdud olan uşaqlardır”.
Bölmənin digər xəbərləri
