BU QURĞUNUN MDB MƏKANINDA OXŞARI YOXDUR
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, Sumqayıtda ölkədə ən iri enerji müəssisəsi tikilir. Hazırda milli energetika inşaatçılarımız Almaniya, Fransa və Finlandiyadan olan həmkarları ilə birlikdə şəhərdə MDB məkanında oxşarı olmayan 506 meqavat gücündə buxar-qaz qurğusu ucaldırlar. 2007-ci ildə istifadəyə veriləcək qurğu ölkənin, xüsusilə də Abşeron yarımadasının elektrik təchizatını yaxşılaşdıracaq və etibarlılığını artıracaqdır.
Son dövrdə Sumqayıt və “Şimal” elektrik stansiyalarında güclü buxar-qaz qurğularının, Astara, Bakı, Naxçıvan, Xaçmaz və Şəkidə modul tipli enerji komplekslərinin tikilməsi, bu sahədə həyata keçiriləcək layihələr enerji sistemlərinin generasiya güclərinin artırılmasına və istehlakçılara verilən elektrik enerjisinin keyfiyyətinin yüksəldilməsinə yönəldilmişdir.
Bölmənin digər xəbərləri
