Budapeşt yeniləşmə yoluna qədəm qoyur
Budapeşt, 13 aprel, AZƏRTAC
Macarıstan Hökuməti Budapeşt meriyasının ölkə paytaxtının mərkəzinin yenidən qurulmasına dair hazırladığı layihəni maliyyələşdirəcək.
AZƏRTAC xəbər verir ki, piyadaların və velosipedçilərin rahatlığı üçün Peştskin sahil tərəfinin yenilənməsi təklif olunub. Həmçinin Dunay sahili boyu tramvay xəttinin genişləndirilməsi, skeytbord, rolik və Avropada sürətlə populyarlaşan velosiped akrobatikası həvəskarları üçün yeni fəvvarəli parkların və əyləncə meydançalarının yaradılması nəzərdə tutulub. Layihənin dəyəri təxminən 180 milyon avrodur. Bu barədə bu gün Budapeştin İnkişafı Departamentinin katibi bildirib.
Maliyyənin bir hissəsi Avropa İttifaqının fondlarından daxil olacaq.
Layihə çərçivəsində paytaxtda əhali sayının hər 20 faizinə nisbətdə yaşıl ərazilərin genişləndirilməsi də müzakirə olunur. Bundan əlavə, şəhərətrafı qatarların infrastrukturunun modernləşdirilməsi də nəzərdə tutulub.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
