Canluici Buffon karyerasında 1100-cü oyununu keçirib
Bakı, 3 fevral, AZƏRTAC
Futbol üzrə İtaliya kubokunun ilk yarımfinal qarşılaşması Canluici Buffonun peşəkar karyerasında 1100-cü olub.
AZƏRTAC “OPTA”ya istinadla xəbər verir ki, 43 yaşlı qolkiper “Yuventus”da 679, “Parma”da 220, İtaliya millisində 176, PSJ-də 25 oyuna çıxıb.
Yubiley qarşılaşmasında Buffonun “Yuventus”u bir neçə dəfə real qoldan xilas etdiyini qeyd etmək lazımdır.
Daha əvvəl “Yuventus”un əfsanə futbolçu üçün yeni müqavilə hazırladığı bildirilib.
Bölmənin digər xəbərləri
