Cəlilabad rayon sakininin yaşadığı evdən narkotik vasitələr və silah-sursat götürülüb
Bakı, 31 mart, AZƏRTAC
Cəlilabad rayon sakini Z.Ağayev saxlanılıb, ondan və yaşadığı evdən narkotik vasitələr və silah-sursat götürülüb.
Daxili İşlər Nazirliyinin mətbuat xidmətindən AZƏRTAC-a bildiriblər ki, Biləsuvar Rayon Polis Şöbəsinin əməkdaşlarının daxil olmuş məlumat əsasında keçirdikləri əməliyyat tədbiri nəticəsində Cəlilabad rayon sakini Z.Ağayev saxlanılıb.
Şəxsi axtarış zamanı ondan 5 qramdan artıq tiryək aşkar edilib.
Davam etdirilən tədbirlərlə onun Cəlilabad şəhərində yaşadığı evin həyətinə baxış zamanı əlavə 2 kiloqram 90 qrama yaxın heroin, "VZOR-70 CAL766" markalı tapança və 16 ədəd patron götürülüb.
Bölmənin digər xəbərləri
