CƏLİLABADDA 125 MİN TON TAXIL İSTEHSAL OLUNMUŞDUR
Cəlilabad Rayon İcra Hakimiyyəti başçısının müavini Nazim Səlimov AZƏRTAC-a demişdir ki, 2006-cı ildə rayonda rekord səviyyədə kənd təsərrüfatı məhsulları istehsal olunmuşdur. Ən yüksək məhsuldarlıq taxılçılıqda qeydə alınmışdır. Fermerlər bu il 48 min hektardan 125 min ton taxıl əldə etmişlər.
N.Səlimovun sözlərinə görə, Cəlilabadda hər il üç dəfə kartof istehsal olunur. Artıq 67 min ton yazlıq kartof yığılmışdır. Keçən il 107 min ton kartof istehsal edildiyi halda, bu il fermerlər bu rəqəmi 110 min tona çatdırmaq niyyətindədirlər.
Tərəvəz və bostan məhsulları istehsalında da müəyyən artım vardır.
Bölmənin digər xəbərləri
