Cəlilabadda ev tamamilə yanaraq kül olub
Cəlilabad, 18 fevral, İlkin Adıyev, AZƏRTAC
Cəlilabad rayonunda yanğın hadisəsi baş verib.
AZƏRTAC-ən bölgə müxbiri xəbər verir ki, hadisə Cəlilabad şəhəri Cavadxan küçəsində yerləşən birmərtəbəli fərdi yaşayış evində qeydə alınıb.
Yanğın yerinə Cəlilabad rayon yanğından mühafizə hissəsinin əməkdaşları və texnikaları cəlb olunub. Buna baxmayaraq ümumi sahəsi 100 kvadratmetrə yaxın olan birmərtəbəli evin yanar konstruksiyaları yanıb. Hadisə zamanı xəsarət alan olmayıb.
Faktla bağlı araşdırma aparılır.
Bölmənin digər xəbərləri
