Cənubi Koreyada etirazlara tibb professorları da qoşulub
Bakı, 27 mart, AZƏRTAC
Cənubi Koreyada həkim-internaların 90 faizdən çoxu fevralın 20-dən hökumətin tibb fakültələrinə qəbulu artırmaq qərarına qarşı etirazlara başlayıb.
AZƏRTAC Yonhap agentliyinə istinadla xəbər verir ki, davam edən tətilə dəstək olan tibb professorları istefa ərizələri yazır və iş vaxtlarını azaldırlar.
Hökumət xüsusilə kənd yerlərində və yüksək riskli cərrahiyyə, pediatriya, mamalıq və təcili tibb yardım kimi mühüm sahələrdə həkim çatışmazlığı səbəbindən tələbələrin sayını artırmaqda israrlıdır. Həkimlər isə öz növbəsində bunun tibbi təhsilin keyfiyyətinə mənfi təsir göstərəcəyini və xəstələr üçün daha yüksək xərclərə gətirib çıxaracağını iddia edirlər.
Etirazçıların fikrincə, hökumət həkimləri qeyri-populyar sahələrdə işləməyə təşviq etmək üçün onları məhkəmə iddialardan qorumalı və əmək haqlarının yaxşılaşdırılmasına diqqət yetirməlidir.
Bölmənin digər xəbərləri
