ÇAY SUDAN FAYDALIDIR
Tədqiqatın nəticələri çayın (çay yarpağının) susuzlaşdırma xassəsinə malik olduğu fikrini aradan qaldırır.
Britaniya mütəxəssisləri bildirirlər ki, çay orqanizmdə mayenin miqdarını sudan heç də pis artırmır, üstəlik, onu ürək-damar xəstəliklərindən, hətta xərçəngin bəzi formalarından qoruyur.
Onların fikrincə, çayda ən faydalı inqrediyent flavonoidlərdir. Bu maddələr orqanizmin hüceyrələrini sərbəst radikalların dağıdıcı təsirindən qoruyur.
Doktor Kerri Rukston və onun London Kral Kollecindəki həmkarları əmindirlər ki, hər gün 3 fincan və daha artıq çay içmək ürəktutma (infarkt) riskini xeyli azaldır.
Bəzi tədqiqatlar göstərir ki, çaydan istifadə edilməsi xərçəng xəstəliyindən də qoruyur hərcənd bu effekt hələlik kifayət gədər öyrənilməmişdir.
Aşkar olunmuşdur ki, çay dişləri çürüməkdən qorumağa və sümüklərin möhkəmlənməsinə kömək etməyə də qadirdir.
Xanım Rukston demişdir: “Çay sudan daha faydalıdır, çünki suyun içilməsi, sadəcə, orqanizmin susuzlaşmasının qarşısını aldığı halda, çay, tərkibindəki antioksidantlar sayəsində sağlamlıq üçün faydalıdır”.
