Bakı, 13 avqust, AZƏRTAC

Türkiyənin “Fənərbağça” klubu UEFA Çempionlar Liqasının III təsnifat mərhələsində cavab oyununa çıxıb.

AZƏRTAC xəbər verir ki, İstanbul nəhəngi doğma meydanında Fransanın “Lill” komandası ilə qarşılaşıb. Görüş 1:1 hesablı heç-heçə ilə başa çatıb. İlk görüşdən Liqa 1 təmsilçisi 2:1 hesabı ilə üstün ayrıldığı üçün adını pley-off mərhələsinə yazdırıb.

Mərhələni adlaya bilməyən “Fənərbağça” isə UEFA Avropa Liqasının pley-offuna düşüb.