Çexiya Müdafiə Nazirliyi 2035-ci ilədək 12 ədəd “Gripen” qırıcısını icarəyə götürəcək
Praqa, 2 sentyabr, AZƏRTAC
Çexiya Müdafiə Nazirliyi İsveçlə “JAS-39 Gripen” qırıcı təyyarələrinin icarə müddətinin uzadılmasına dair yeni müqavilə imzalayıb.
AZƏRTAC xəbər verir ki, imzalanmış müqaviləyə əsasən, ölkə 2035-ci ilə qədər 12 təyyarədən istifadə edəcəkdir.
Sövdələşmənin dəyəri 16,7 milyard kron (təxminən 683 milyon avro) təşkil edir ki, buraya icarə, texniki xidmət və pilot hazırlığı daxildir. Bu barədə Çexiya Müdafiə Nazirliyinin saytında bildirilir.
Çexiya yaxın illərdə təyyarələrin modernləşdirilməsinə əlavə 4 milyard kron (163,7 milyon avro) sərmayə qoymağı planlaşdırır.
Hazırda ölkənin Hərbi Hava Qüvvələrində İsveçdən icarəyə götürülmüş 14 ədəd “Gripen” var. Onların hazırkı müqavilə müddəti 2027-ci ildə başa çatır.
İmzalanan saziş qırıcıların 2035-ci ilə qədər təhvil verilməsi gözlənilən 24 ədəd Amerika F-35-ləri ilə əvəzlənənə qədər fasiləsiz işləməsini təmin edəcək.
Vüqar Seyidov
AZƏRTAC-ın xüsusi müxbiri
Praqa
Bölmənin digər xəbərləri
