Çexiyada bakteriyaların yayılması səbəbindən su hövzələrində çimmək qadağan edilib
Praqa, 16 avqust, AZƏRTAC
Çex ekoloqları həyəcan təbili çalır. Ölkədə sanitar-gigiyenik xidmətlərin çimməyə qadağa qoyduğu göllərin və kiçik çayların sayı artıb.
AZƏRTAC yerli mətbuata istinadla xəbər verir ki, qadağa indiyədək ən azı 10 regionda qüvvədə olub. Daha üç, o cümlədən Orlik və Maxovo su hövzələri, həmçinin Doksı şəhəri yaxınlığındakı göl də bağlanıb.
Çimməyin qadağan olunduğu yerlər daha çox Vısoçina bölgəsindədir.
Qeyd olunur ki, isti günlərdə siyanobakteriyaların yayılması səbəbindən suyun keyfiyyəti pisləşib.
Vüqar Seyidov
AZƏRTAC-ın xüsusi müxbiri
Praqa
Bölmənin digər xəbərləri
