Çin pakistanlı astronavtı kosmik stansiya missiyasına göndərəcək
İslamabad, Hilal Əhməd, 30 oktyabr, AZƏRTAC
Çin ölkənin kosmik stansiya missiyalarının bir hissəsi olaraq həmin heyətə qısa müddət üçün pakistanlı astronavtı göndərmək niyyətində olduğunu açıqlayıb. Pakistandan olan astronavt Çin astronavtları ilə birlikdə təlim keçəcək.
İki pakistanlı astronavt Çin astronavtları ilə birlikdə təlim keçəcək. Daha sonra onlardan biri qısamüddətli kosmik uçuş missiyasında yük mütəxəssisi kimi iştirak etmək üçün seçiləcək.
AZƏRTAC xəbər verir ki, Çinin Pilotlu Kosmik Proqramının (CMSA) sözçüsü Çjan Cinqbo hazırda Aya insan göndərmək üzrə tədqiqat və inkişaf işlərinin hər bir proqramının problemsiz irəlilədiyini söyləyib. O əlavə edib ki, Çin 2030-cu ilə qədər Aya insan göndərməkdə qətiyyətlidir.
Bu missiya Pakistan-Çin elmi əməkdaşlığında irəliyə doğru böyük bir addımdır.
Bölmənin digər xəbərləri
