Bakı, 28 sentyabr, AZƏRTAC

Çin şirkətləri tərəfindən Azərbaycanda elektriklə işləyən avtobusların istehsalı müəssisələrinin yaradılması müzakirə olunub.

AZƏRTAC xəbər verir ki, bu barədə Azərbaycanın rəqəmsal inkişaf və nəqliyyat naziri Rəşad Nəbiyev bildirib.

“Çinə səfər zamanı aparıcı nəqliyyat şirkətləri olan “Yutong” və “Zhongtong”un rəhbərliyi ilə görüşdük. Bakı şəhərində mobilliyin təmin olunması istiqamətində həyata keçirilən layihələr çərçivəsində elektrik avtobuslarının istifadəsi, eləcə də müvafiq şirkətlər tərəfindən ölkəmizdə istehsal müəssisələrinin yaradılması məsələlərini müzakirə etdik”, - deyə nazir vurğulayıb.