Çində süni intellektin təhsilə inteqrasiyası genişləndirilir
Bakı, 10 aprel, AZƏRTAC
Çin texnoloji inkişafı sürətləndirmək və iqtisadiyyatını rəqəmsallaşan gələcəyə uyğunlaşdırmaq istiqamətində süni intellektin erkən mərhələdən təhsil sisteminə inteqrasiyasını nəzərdə tutan “Sİ Plus Təhsil” təşəbbüsünü həyata keçirməyi planlaşdırır.
AZƏRTAC Çinin Sinxua agentliyinə istinadla xəbər verir ki, bu barədə ölkənin Təhsil Nazirliyi məlumat yayıb. Bildirilib ki, təşəbbüs çərçivəsində süni intellekt texnologiyalarının məktəblərdə tətbiqi genişləndiriləcək və şagirdlərin rəqəmsal bacarıqlarının inkişafına xüsusi diqqət yetiriləcək.
Qeyd olunub ki, Çin 2030-cu ilə qədər təhsilin bütün səviyyələrini əhatə edən və daha geniş ictimaiyyət üçün əlçatan olan hərtərəfli süni intellekt təhsili sistemi formalaşdırmağı hədəfləyir. Bu addım ölkənin innovasiya potensialını gücləndirməyə və rəqəmsal iqtisadiyyatın inkişafını sürətləndirməyə xidmət edəcək.
Bölmənin digər xəbərləri
