Çində təbii qaz istehlakı 7,6 faiz artıb
Pekin, 12 fevral, AZƏRTAC
Çinin təbii qaz istehlakı 2023-cü ildə əvvəlki illə müqayisədə 7,6 faiz artaraq 394,53 milyard tona çatıb.
AZƏRTAC xəbər verir ki, bu barədə ölkənin Milli İnkişaf və İslahat Komitəsi açıqlama yayıb. Təbii qaz istehlakı yaşıl enerjiyə keçidin təşviqi fonunda çoxalıb.
Komitənin məlumatına əsasən, ötən il Çində təxminən 230 milyard ton qaz hasil edilib ki, bu da əvvəlki illə müqayisədə 5,8 faiz artım deməkdir.
Qeyd edək ki, Çin dünyada 4-cü ən böyük təbii qaz hasilatçısı, 3-cü ən böyük qaz istehlakçısı və ən iri qaz idxalçısıdır. Əsas idxal mənbələri Türkmənistan, Avstraliya, Rusiya, Qətər və Malayziyadır. İdxalın böyük hissəsi sıxılmış maye qaz (LNG) formasında reallaşır.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
