Çinin şimal-qərbindəki kiçik buzlaqlar XXI əsrin ortalarında yox olacaq
Bakı, 7 avqust, AZƏRTAC
Çinin şimal-qərbindəki Sincan Uyğur Muxtar Bölgəsindəki kiçik buzlaqlar qlobal istiləşmə ilə əlaqədar bu əsrin ortalarına qədər yox olacaq.
AZƏRTAC xəbər verir ki, bu barədə Çinin “Daily” qəzeti yerli alimlərə istinadən məlumat verib.
Bildirilib ki, buzlaqların yox olması iqlimdən və yağış miqdarından asılı olmayaraq qaçılmazdır.
Nəşrin məlumatına görə, sahəsi 2 kvadratkilometrə qədər olan buzlaqlar bu bölgənin ərazisində XXI əsrin sonuna qədər tamamilə əriyəcək və sahəsi 10 kvadratkilometrə qədər olan buzlaqlardan yalnız üçdə biri qalacaq. Qeyd olunub ki, qlobal istiləşmə səbəbindən son 50 ildə Sincan Uyğur Muxtar Bölgəsindəki buzlaqların ümumi sahəsi 11,7 faiz azalıb.
O qeyd edib ki, sürətlənmiş ərimə su axınının artmasına səbəb olacaq. Daha az əhəmiyyətli buz qatı yaxın 20 ildə mümkün olacaq.
Buzlaqlar Çinin quraq şimal-qərb bölgəsində əsas su mənbəyi hesab olunur. Rəsmi məlumatlara görə, Sincanda buzlaqların sahəsi 22600 kvadratkilometrdir.
Bölmənin digər xəbərləri
