Çinin xarici valyuta ehtiyatları azalıb
Pekin, 8 aprel, AZƏRTAC
Çinin xarici valyuta ehtiyatları ilin əvvəli ilə müqayisədə 1,5 faiz azalaraq 3,0606 trilyon ABŞ dolları səviyyəsinə düşüb. Azalma 47,3 milyard dollar təşkil edib.
AZƏRTAC xəbər verir ki, bunu Çin Xarici Valyuta Administrasiyası açıqlayıb. Administrasiyanın rəsmisi Van Çunin valyuta ehtiyatlarının azalmasının səbəbləri sırasında valyuta mübadiləsi məzənnəsinin və aktivlərin qiymətinin dəyişməsini qeyd edib. Yeni növ koronavirus (COVID-19) infeksiyasının dünyada yayılması və xam neft qiymətlərinin enməsi fonunda ABŞ dollarının indeksinin yüksəlməsi bəzi ölkələrin aktivlərinin enməsinə səbəb olub.
Qeyd edək ki, Çin dünyada ən çox xarici valyuta ehtiyatına sahib ölkədir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
