CİNAYƏT HADİSƏLƏRİNİN ÜSTÜ İSTİ İZLƏRLƏ AÇILMIŞDIR
Daxili İşlər Nazirliyinin mətbuat xidmətindən AZƏRTAC-a verilən məlumata görə, ötən gün respublika ərazisində qeydə alınmış 22 cinayət hadisəsinin hamısının üstü isti izlərlə açılmışdır. Keçirilmiş əməliyyat tədbirləri nəticəsində Cinayət Məcəlləsinin müxtəlif maddələri ilə axtarışda olan 19 nəfər tutularaq istintaq orqanlarına təhvil verilmişdir.
Daxili işlər orqanları əməkdaşları tərəfindən narkotiklərlə əlaqədar 6, qanunsuz saxlanılan silah-sursatla bağlı 2 fakt müəyyən edilmiş, cinayət törətdiklərinə görə 45 nəfər tutulmuşdur. Baş vermiş yeddi yol-nəqliyyat qəzasında 3 nəfər ölmüş, 14 adam yaralanmışdır. Gün ərzində üç yanğın hadisəsi qeydə alınmışdır.
Bölmənin digər xəbərləri
