“Crystal Group of Companies” ASC-nin ümumi yığıncağı keçirilib
“Crystal Group of Companies” ASC-nin ümumi yığıncağı keçirilib. Tədbirdə şirkətin fəaliyyət istiqamətləri üzrə görülən işlərə dair ətraflı müzakirələr aparılıb, eləcə də struktur və kadr dəyişiklikləri, idarəçilik mexanizminin təkmilləşdirilməsi və səmərəliliyin artırılması istiqamətində mühüm qərarlar qəbul olunub.
Toplantıda çıxış edən “Crystal Group of Companies” ASC-nin Müşahidə Şurasının sədri Pərviz Vəliyev şirkətin gələcək strategiyasına uyğun olaraq idarəetmədə çevikliyin artırılması, resursların daha effektiv idarə olunması və korporativ inkişafın sürətləndirilməsi məqsədilə bir sıra yeni vəzifə təyinatlarının həyata keçirilməsi barədə iştirakçılara məlumat verib.
Beləliklə, Rəsul Rəsulov və Rəfail Niftəliyev ASC-nin İdarə Heyəti sədrinin müavinləri, Eldəniz Əlimərdanov satınalma və kommersiya şöbəsinin müdiri, Emin Nəzərli “Crystal Mebel- İnteryer” şirkətinin direktoru vəzifələrinə təyin olunublar
Şirkətin rəhbərliyi yeni təyinatların kollektivdə müsbət dinamika yaradacağına və qarşıya qoyulan strateji hədəflərin icrasına töhfə verəcəyinə əminliyini bildirib.
Şirkət fəaliyyət göstərdiyi bütün sahələr üzrə innovativ idarəetmə, şəffaflıq və məsuliyyət prinsiplərinə əsaslanaraq ölkənin tikinti sektorunda mövqeyini daha da gücləndirməkdə davam edir.
Bölmənin digər xəbərləri
